Friday, May 11, 2007
BAYANIHAN
Sa panahon ngayon, talamak na ang krimen sa ating bayan. Madami na ang mga magnanakaw, rapist, mamatay tao, at kung anu-ano pa. Madami na ang mapagsamantala sa kahinaan ng kanilang kapwa. Mahirap na ika nga magtiwala. Kaya naman nakakatuwang isipin na meron pa palang mga natitirang estranghero na may mabubuting loob.
Sabi ko nga sa aking huling post eh nagpunta kaming Antipolo noong Linggo. Palabas na kami ng simbahan noon dahil tapos na ang misa ng biglang may narinig akong mga nagsasalitang, "ay.. nahuhulog yung babae oh .. ", " ay! nahulog nga ". Napatingin naman kami ni mama sa aming likod at mayroon ngang isang nakaputing tshirt at maong na pantalong babae ang hinimatay. Noong una, walang lumalapit. Yung nakasalo sa kanya, andoon lang at hindi man lang siya binuhat. Masyado kasi ata siyang mahina eh. Pero siyempre, to the reskyu naman ang nanay ko na marunong sa first aid acupuncture (malay ko ba kung saan niya ito nakuha). May isa namang mabuting loob na tall dark and handsome ang lumapit at binuhat ang babae. Inilbas na muna namin ito sa isang mas maluwag na espasyo ngunit hindi pa rin ito nagkakamalay. Hanggang sa dinala nga namin ito doon sa kanilang opisina at inihiga. Pinaypayan namin siya at patuloy pa rin si mama sa pagpindot ng kanyang kamay. At ayun nga, medyo nagkakamalay na siya.
Nakakatuwang isipin na nasa bulsa pa rin niya ang kanyang selpown kahit na nakaladlad ito. (Gets niyo ba? Basta ktang-kita. HAHA. ganda pa naman ng selpown niya). Walang masamang loob ang kumuha nito. At syempre, nakakatuwang isipin din na kahit hindi kami magkakakilala doon eh nagtulungan kami upang matulungan yung babae. Buhay pa rin ang diwa ng BAYANIHAN sa ating bayan kahit na natatabunan na ng mga makabagong kaisipan ang ating mga makalumang gawi na simbolo ng ating pagkaPinoy.
Ngaon, sinong nagsabing wala ng pag-asa ang ating bayan. Meron pa kaya. Hangga't may mga Pilipino na katulad namin (muahahaha. :D) pa ang natitira, meron pa. At sana, magbago na din yung mga masasamang tao diyan. Naghahanap kayo ng pagbabago eh yung sarili niyo nga hindi niyo mabago. HELLER? :D
Labels: compañero compañera, G is great, la familia, life lessons, makabayan, offlife, summer
LEFT AT 2:48 AM
|
